Technobiography

Mobile phones, services and applications. PCs, PDAs, Wi-Fi, Bluetooth, Internet, gadgets, electronics, photography. A technology-life journal ... Relaxed prose, sometimes witty, sometimes funny, reflective and insightful. Short and sweet. Filipino.

Tuesday, April 26, 2005

GULAN-TXT

Ikaw ba'y lubos na nagulat o nagulantang sa natanggap mong text? Kung gayon, ikaw ay na-"GULAN-TXT!"

Heto ang halimbawa, tru tu layp istori ni Ka Edong ...

Naka-idlip na ako sa CRV ni RJ papuntang Subic para sa aming outing. Nasa NLEX na kami nang biglang nanginig ang cellphone sa aking bulsa. May mga hinihintay akong mga text kaya't kahit di pa lubos na gising, binunot ko ang cellphone.

Automatic ang aking mga daliri sa pag-bukas ng mga txt message. Two years of training 'yan, kala niyo ba?! Kahit naka-pikit, kahit nag-da-drayb, kahit natutulog, (pwera kung natutulog habang nag-da-drayb) kabisado ng daliri ko kung paano buksan ang txt message.

Kaya't heto, pagka-dilat ko ng mata ko, ito ang bumulaga sa akin:
"HRD DEATH F UR DAD. M FAM CON DOLES W UR FAM"
* insert ... GULAN-TXT MOMENT! ... *

Linsyak, huwat da huwat??!!

Sabay *kamot* ng namumula kong mata. Ano daw!?! Basa ulit ...
"HRD DEATH F UR DAD. M FAM CON DOLES W UR FAM"
Napa-isip ako:
Q: Sino naman itong mokong na nag-te-text ng condolences sa akin sa umagang kay ganda katulad nito?! (Sabay tingin ulit sa message para basahin kung saan galing)
A: Nanay ko
* insert .... Gulang-txt moment .... *

Basa ulit, pangatlong beses ... 'di malaman kung maiiyak, matatawa, maiinis, o ipag-sasabay sabay ang iyak-tawa-inis ....

Dial ako agad sa babaeng nag-aruga sa akin mula sa aking pagka-bata.
Anak: Ma! Ano ba naman itong tinext ninyo sa akin???!!! Mis-sent ang condolences text ninyo!
Mama: Ay, siren? (Ganun ba?)
Anak: Be very careful tuwing nag-se-send kayo ng condolences! Muntik na akong atakihin ng puso!
Mama: Ay, siren? In-send ko manaya'd sika? (Sa iyo ko pala na-send?) Sorry, anako ...
Anak: (Kunot pa rin ang nuo, pinapagalitan ang sariling nanay) Sa susunod, ma, ingatan niyo text ninyo. Mas-mabuti pa na tumawag kayo imbis na mag-text ng condolences ninyo ...
Mama: On, anako. Sorry la, sorry la ....
Anak: Ho siya .... (dumeretso konti ang kilay, medyo lumamig na ang ulo) .... nala 'yo may text ko, amay good news ko? (Nakuha niyo ba ang text ko, yung good news ko?)
Mama: On, anako. Nan-reply ak la (Nag-reply na ako).
Anak: (Nagtataka) Huh? Anggapoy nalak (Wala akong natanggap) ...
Elsewhere on planet earth, may lalaking nagdadalamhati sa pag-panaw ng kanyang Ama. Nang maka-tanggap siya ng text mula sa aking mother dear:
"HRD D GD NWS! CONGRTS!"
* insert .... GULAN-TXT MOMENT! ... *

- Ka ka .... Ka Edong

Read: Textiquette, Blag i-Spamd!
Abangan: Entrap-txt!

2 Comments:

Post a Comment (comments posting disabled)

Technobiography has moved!
Please visit Technobiography's New Home
and update your bookmarks. Salamat!